Тәуелсіз ел ұландары

Тәуелсіздік таңы арайлап атқан күннен бастап біздің еліміз қанатын жаңа жайған құстай көкте самғауда. Тәуелсіздік бізге оңайлықпен келмегені баршамызға мәлім.Сол қаншама батырларымыздың ерлігінің арқасында біз егемен ел атанып өз тәуелсіздігімізді алғанымызға бүгінде 26 жыл толып отыр. Бүгінгі таңда дархан даламыздың даңқы асқақтап бүкіл әлем мойындайтындай елдер қатарына кіруде. Бұл әрине кемеңгер көшбасшының арқасы десек артық айтпаған болармыз.

Осы егемен еліміздің тәуелсіздігі Қазақстан көлемінде жоғары дәрежеде әр жыл сайын аталып өтуде. Осы жылғы мерекеге орай Кеңес негізгі жалпы білім беру мектебінде де іс-шаралар өткізілуде. Соның бірі сайыс түрінде өткізілген бастауыш сынып бірлестігі ұйымдастырған « Алтын қақпа» ойыны желтоқсан айының 11 жұлдызы күні өткізілді. Сайысқа бастауыш сынып оқушылары белсенді қатысты. « Алтын қақпа» сайысы үш кезеңнен яғни үш қақпадан тұрды. Бірінші кезең тас қақпа кім жылдам, оқушылар сұрақтарға жауап берсе,келесі кезең күміс қақпа жорға кезеңі оқушыларға үш сала бойынша сұрақтар және бейне сұрақтар қойылды және соңғы бөлім алтын қақпа жас ақындар жарысы болды. Жарыс жақсы өтіп оқушылар белсенді әрі жан-жақты болды.Бастауыш сынып оқушылары өздерінің білімін жоғары дәрежеде көрсетіп сайыс соңында әділ қазылар алқасының шешімімен үздіктер анықталы.

Міне, біздің елдің болашақтары тәуелсіз елдің ұландары осындай жас ұрпақтар. Еліміздің тәуелсіздігі құтты болсын,еліміз аман жұртымыз тыныш болып елім деп елжіреп тұратын жас ұрпақтарымыз кобейе бергей.

Нурзат Бауыржанқызы

Кеңес негізгі мектебінің бастауыш сынып мұғалімі