ЖАҢА ЖЫЛ МЕРЕКЕСІ

2018 жылда келіп қалды. Кеңес негізгі мектебінің жанындағы шағын орталықта Жаңа жылғы ертеңгілік өтті. Тауық жылымен қоштасып, ит жылын бүлдіршіндер жақсы көтеріңкі көңілімен қарсы алды. Шырша биімен кішкентай бүлдіршіндер Қайролла Жансел, Уразалинова Айзере, Кожаева Малика, Магзумова Райхан, Хуанган Айтолқын барлық келген қонақтарды, ұстаздарды және ата-аналарды таңғалдырды. Ал ұлдарға келсек Жолдаспаев Тамерлан, Камаш Әлихан, Есіркеп Иманәлі, Молдахметов Алихан, Внучков Никита «Санта-Клаус» биімен тамсандырды. Балалар Жаңа жыл туралы бір неше өлең, ән айтып берді. «Бауырсақ» ертегісін театр бойынша сахналық ретінде көрсетті. Бауырсақ ертегісінін кейіпкерлерін балалар өте жақсы орындап шықты. Мысалы: Кемпір мен шал, айлакер қу түлкі, томпандаған аю, сұр қасқыр, қоян және сары бауырсақ. Ата-аналардың тәрбиеші Закриянова Муслима Еркинқызына алғысы шексіз. Көп рахметтерін айтып жұмысына табыс тілеп жатыр. Бүлдіршіндерін осындай өнерге баулығанына ата-аналар өте риза.

Закриянова Муслима Еркинқызы

Кеңес негізгі мектебінің жанындағы шағын орталығының тәрбиешісі