Өмірде мамандықтың түрі көп. Әр мамандықтың өзіндік ерекшелігі бар. Дәрігер адамдарды емдесе, мұғалім оларды оқытады, әнші ән айтады, құрылысшы үй салса, тігінші киім тігеді. Тағы басқа да мамандықтар туралы айта беруге болады. Ұстаз — таудан сарқырай аққан тау өзені секілді, айналасына қуат беріп, жолында кездескендерді суымен нәрлендіріп, таудай қиындықтарды тастай домалатып, білімнің сар даласында тыныштық тауып, дамылдайды.
Кеңес негізгі білім беру мектебінің ұстаздары www.45minut.kz сайтына тіркеліп, өздерінің күнделікті сабақ беру әдістерін сол сайтқа жіберіп, өз ойларымен бөлісіп отырады. Жақында бұл мектеп орнының мұғалімдері бұл сайттың жеңімпаздары атанды. Атап айтсақ, география пәнінің мұғалімі Матей Жырғау, бастауыш сынып мұғалімі Кишкеналина Майгүл Төлеуовна және математика пәні мұғалімі Ташмухамбетова Муслима Қабылқызы «ұлағатты ұстаз» атты төсбелгісімен және дипломмен марапатталса, ал жас мамандар тарих пәнінің мұғалімі Баужанов Хабзат Қасенұлы, биология пәнінің мұғалімі Түсіпхан Гүлжаухар, бастауыш сынып мұғалімі Кабыш Еркегүл және аға тәлімгер, информатика пәнінің мұғалімі Бахатхан Жұпаргүл «шығармашыл тәжірибелі ұстаз» атты төсбелгімен және алғыс хаттарымен марапатталды. Мектеп ұстаздарына шығармашыл табыс тілейміз! Барлық ұжымның атынан мұғалімдерді шын жүректен құттықтаймыз!!!
Кеңес негізгі білім беру мектебінің
баспасөз орталығы