Павлодар ауданының Кеңес негізгі  жалпы білім беру мектебінде қыркүйектің 29 жұлдызында ұстаздар күніне арналған «Ұстаз – аты биік, әрі мәңгілік!» атты мерекелік концерт ұйымдастырылып өткізілді. Мектебіміздің түгел оқушылары іс-шараға белсене атсалысты. Бастауыш сыныптың оқушылары керемет би билеп, ұстаз туралы әдемі әнді назарларымызға ұсынды. Жоғары сыныптың оқушылары флешмоб билеп, көрермендердің көңілінен шықты. Мектепке биыл ғана кірген кішкентай оқушыларымыз мәнерлеп тақпақ оқып, мұғалімдерді қуантты. Сонымен қатар, шағын-орталықтың бүлдіршіні бізге әдемі ән сыйлады. Мектебіміздің 9-сынып оқушыларының дайындаған қызықты музыкалық көрініспен мерекелік іс-шара өз мәресіне жетті. Биылғы жылдың мектеп түлектері өз мұғалімдерін гүл шоқтарымен және тілектерге толы ашық хаттармен құттықап қуантты.

Ұстаз­дың әр адам жүрегінен алатын орны айрықша, қолына қалам ұстатып, алғаш әліппені үй­реткен мұғалімін жылылықпен еске алмайтындар кемде кем. Қазіргі заманда ұлт­­тық бәсекеге қабілетті болудың көр­сет­кіші – білім деңгейімен өлше­неді. Сондықтан, әлемдік білім ке­ңістігіне кірігіп, білім беру жү­йе­сін халықаралық биікке көтеру кезек күттірмейтін өзекті мәселе. Бұл мәселені шешудің кілті — ұс­таздардың қолында. Елбасы Нұрсұлтан Назарбаев «Болашақта еңбек ет­іп, өмір сүретіндер – бүгінгі мектеп оқушылары, мұғалім оларды қалай тәрбиелесе, Қазақстан сол деңгейде болады. Сондықтан ұс­тазға жүктелетін міндет ауыр» – деген еді. Ұрпаққа тәрбие беру, білім нәрімен сусындату – екінің бірінің қолынан да келе бермейді. Сол себепті, ұстаз болу – жүректің батырлығы деп бағалауға болады. Сондықтан да, ұстазды сыйлау – өмірдегі бір борышымыз. Ұстазға құрмет – адамзатқа міндет.