9 мамыр Жеңіс күніне арналған концерттік бағдарлама
9 мамыр яғни, Жеңіс күніне орай Кеңес ауылдық округында «Ұлы Отан соғысы ардагерлерін» еске алу күніне байланысты концерттік бағдарлама болып өтті. Бағдарламаны ұйымдастырушы Кеңес ауылдық мәдениет үйі. Бұл іс – шараға Кеңес ауылдық мәдениет үйі, Кеңес негізгі жалпы білім беру мектебі және Қаратоғай ауылының өнерпаздары қатысты.
Концерттік бағдарлама Кеңес ауылындағы Обелисктің жанында болды. Бұған ауыл тұрғындары, ұстаздар ұжымы, оқушылар, көрші ауыл тұрғындары және қаладан келген қонақтар қатысты. Барлық көрермендер 1 минуттық үзіліс қойып, барлық «Ұлы Отан соғысы ардагерлерін» үнсіздікпен еске алды. Іс – шарада өнерпаздар Жеңіс күніне орай өлең жолдарын оқып, әндер айтып келген қонақтарға тарту етті. Атап айтар болсақ, Кеңес негізгі мектебінен Капарова Алмагүл мен Жарылғасынова Аяжан «Жойылсын жалғыз сөз соғыс деген», «Туған жердің ұланымыз» әндерін тарту етсе, ал Қаратоғай ауылының өнерпаздары «Катюша», «Разведка» әндерін айтып өз өнерлерін көрсетті.
Кеңес ауылының балабақша ұжымынанда жас бүлдіршіндер тақпақ, ән айтып ауыл тұрғындарына өз өнерлерін ұсынды. Бүлдіршіндеріміз Айгерім мен Жансель «Жеңіс туы желбіреп», «Әкетайым» атты әндерін ұсынса, қалған бүлдіршіндер Жеңіс күніне орай тақпақтар айтып көрермендерді тәнті етті. Келген көрермендер Ұлы Отан соғысы ардагерлеріне арнап гүл шоқтарын қойып, тағызым етті.
Барлық Алаш жұртын Жеңіс күні мейрамымен шын жүректен құттықтаймыз!

Жұпаргүл Бақытханқызы
Кеңес негізгі жалпы білім беру мектебі
Павлодар ауданы