Қош бол, алтын ұя мектебім!

Биылғы 2017 жылы Заңғар орта мектебінде 15 үздік оқушы мектепті аяқтады. Барлығына саптүзеуде мадақтау қағаздары мен жыл бойы олимпиадалар мен марафондарға қатысып, биіктен көрінген оқушыларға аранайы дипломдар таратылды. Сонымен қоса, мектеп ұстаздарын да мектеп директоры ортаға шақырып салтанатты түрде дипломдармен марапаттады.

Заңғар орта мектебінде соңғы қоңырау мерекесіне арналған «Қош бол, алтын ұя мектебім!» атты салтанатты жиын өтілді. Саптүзеуге мектеп оқушылары, ұстаздары, ата-аналар мен ауыл тұрғындары қатысты. Салтанат барысында мектеп директоры, ауыл әкімінің орынбасары Байтемир Саджулұлы Мусенов пен аудан әкімінің экономика және бюджет бөлімінің орынбасары Гульнара Кусаиновна Сейтказина өздерінің жылы лебіздерімен оқушыларды қуантты.

Мерекемен құттықтауға арналған 9-11 сынып оқушыларының дайындаған вальс биі және мектеп түлектері дайындаған өлең шумақтарымен жылы тілектері салтанатты рәсімді көркейте түсті.

2017 жылдың түлектері биыл мектепте 3 оқушы. Осы оқушыларға біз ақжол тілегіміз келеді.