Ямышев орта жалпы білім беру мектебінде «Отан қорғаушылар күні» мен «Жеңіс күні» қарсаңында «Жас Ұлан», «Жас Қыран» балалар мен жасөспірімдер ұйымына қабылдау салтанатты жиыны өтті.
«Жас Қыран» -еліміздің нағыз патриоттары, қиындықтан қаймықпайтын, еңбекқұмар, білімге құштар, өзін-өзі жетілдіруге үнемі ұмтылатын, өршіл, қайсар, балалар мен жасөспірімдер ұйымы.
Бүгінгі таңда мектебіміздің мәртебесін арттырып жүрген, мектеп жетістіктеріне өз үлестерін қосып жүрген «Жас Ұлан» қатарына 35 оқушы қабылданса, «Жас Қыран» қатарына 34 оқушы қабылданды.
Мектеп директорының міндетін атқарушысы Елфимова М.Н. мен сынып жетекшілері оқушыларымызға оқуда озат болып,өз елінің патриоттары және мақтаныштары болуды айтқан соң, галстуктары мен төсбелгілерін тақты.
Балалар мен жасөспірімдер ұйымы-оқушылардың өз елінің патриоты, белсенді де беделді тұлға болып болып қалыптасуына ықпал ететін бірден бір ұйым.