2019 жылы 14 ақпан күні Павлодар ауданы Достық орта мектебінде Х-шы Махамбет оқулары өтті. Бұл оқуларға ауданымыздың барлық мектептерінен оқушылар қатысты. Мектебіміздің атынан екі оқушы Ермекұлы Ернұр мен Толеу Қыдырәлі қатысты. Жетекшілері — қазақ тілі мен әдебиет мұғалімі Толеу Каукер. х-шы Махамбет оқулары үш бағыт бойынша өткізілді. «Ел құтқарар ер едім» бағыты бойынша бірінші орынды 6-сынып оқушысы Толеу Қыдырәлі қанжығасына байлап келді. «Ұлы арман» бағыты бойынша екінші орын иегері 9-сынып оқушысы Ермекұлы Ернұр Махамбетке арнап шығарған өз өлеңдерімен әділ-қазылар көңілінен шықты.