25 мамыр күні Черноярка орта жалпы білім беру мектебінде соңғы қоңырау мерекесі аталып өтті. Салтанатты сап түзуге оқушылар, ұстаздар, ата-аналар және қадірменді қонақтарымыз қатысты.

Мектеп директоры Айдаболова М.М. жиналған қауымды оқу жылының аяқталуымен құттықтады. Оқу үздіктері мен оқу екпінділеріне мақтау қағаздары табыс етілді. Бұл оқушыларға үлкен талпыныс пен жігер береді.

Мектебіміздің демеушілері: Андрейцев Геннадий Васильевич  алғыс хатпен марапатталды.

Мектебіміздің түлектері – 11 сынып оқушыларына ерекше көңіл бөлінді. Олар үшін қоңыраудың үні соңғы рет сыңғырлады.