Шақат орта жалпы білім беру мектебінде «Болашаққа бағдар: Рухани жаңғыру» бағдарламасы аясында аудандық «Ана тілі аруы-2019» байқауы өткізілді. Бұл байқаудың мақсаты өскелең ұрпақты ұлтжандылық пен Отансүйгіштік қасиеттеріне тәрбиелеу; Ана тілі мәртебесін асырып, мемлекеттік тілге деген құрметін арттыру. Байқауға ауданымыздың 9-11 сынып оқушылары арасынан 11 оқушы келіп қатысты. Байқауды бағалар әділ қазы мүшелері ауданымыздың білім бөлімінің әдіскерлері: Сматаева Сандуғаш Бариевна мен Султангазина Айтжан Ерингаиповна сонымен қатар Павлодар Педагогикалық университетінің қазақ тілі мен әдебиет кафедрасының аға оқытушысы, гуманитарлық ғылымдарының магистрі Сағынтаева Жулдыз Қайратқызы шақырылды. Әділ қазылар шешімі бойынша «Ана тілі аруы-2019» атағын Ямышева жалпы орта білім беру мектебінің 11 сынып оқушысы Хауметқали Айгерім ие болды. Қалған қатысушылар жүлделі1,2,3 орындармен және номинациялармен марапатталды. Осындай шараны өткізуге ат салысып барлық қатысушыларға ақшалай сыйлық жасаған мектебіміздің түлегі жеке кәсіпкер Кораблев Сергей Владимировичке алғысымыз шексіз.

Шақат мектепішілік баспасөз орталығы.