Шақат орта мектебінде жас мамандармен жұмысқа үлкен мән беріледі. Дәстүр бойынша әр оқу жылының басында «Жас мұғалім мектебі» өз жұмысын бастайды. Жас мамандарға ұстаздық еңбегінің қыр-сырын ашу жолында дұрыс бағыт беріп, қиындықтардан қорықпай, жас буынға білім мен тәрбие беру үдерісінде ЖОО алған білімдерін практика жүзінде пайдалана білуіне көмек көрсетеді. Осындай үлкен іс-шаралар қазан айында «Жас мамандарға — әдістемелік көмек» атты апталық барысында өткізіледі. Ең алғашқы болып мектеп кітапханашысы Жанат Тоқатаровна Нуралина «Әдістемелік нұсқаулық — мұғалім көмекшісі» — жас мұғалімдерге арналған әдістемелік басылымдарға жалпы шолу жасап апталықтың тұсауын кесті. Мұғалімдерге пән мұғалімі және сынып жетекшісі ретінде ұсынылған мектеп кітапханасындағы барлық журналдар және газеттермен таныстыру жұмысын өткізді.

Г.К.Смагулова мектеп директорының оқу ісі жөніндегі орынбасары.