Шағын орталығымызда бүлдіршіндеріміздің қатысуымен 16-желтоқсан тәуелсіздік күні мерекесіне арналған ертеңгілік өтті. Ертеңгілігімізді еліміздің әнұранымен бастап, «Отан», «Қазақстан» атты тамаша әндерімен жалғастырды. Сонымен қатар, бүлдіршіндеріміз Отанға, еліне, рәміздерімізге арналған өлеңдерді жатқа оқып, «Қарлығаш», «Шашу» билерімен мерекемізді жайната түсті.

Осындай іс-шаралардың негізінде тәуелсіз еліміздің болашағы – жас ұрпақтар бойына Отанға деген сүйіспеншіліктерін арттырып, туған жері мен елін сүюге, оны қорғай білуге және тақпақтар арқылы ой-өрісін кеңейтіп, сөздік қорларын молайтып, тілдерінің дамуына ықпал етті деген үміттеміз.

Шағын орталық тәрбиешісі

Есжанова Камшат Құнанбайқызы

Берекесін сыйлауға
Өлкемізге күз келді
Жемістерін жинауға
Шақырады біздерді – деп  шағын орталығымызда  берекелі де, ырысты алтын күз мерекесіне  арналған бүлдіршіндеріміздің қатысуымен ертеңгілік өтті. Күз мезгілінің ерекшеліктерін, басқа жыл мезгілдерінен айырмашылығын тани білетіндерін  әр түрлі ойындарды ойнап, тақпақтарын  айтуда және «Күз келді»,  «Күз жомарт» әндерін орындауда  байқата түсті. Бүлдіршіндеріміз  «Саңырауқұлақтар», «Каблучки»  билерімен  мерекемізді жайната түсті. Сонымен қатар, бұл мерекеге ата-аналарымыз да белсенді қатысып, балалармен бірге күзгі жемістер мен көкөністерден әртүрлі заттар мен бұйымдарды қолдан жасап әкеліп, керемет көрме ұйымдастыруға ат салысты.

Шағын орталық тәрбиешісі

Есжанова Камшат Құнанбайқызы