14 наурыз — Көрісу мейрамы. Көрісу күнінде халық қыстан аман-есен шыққанына қуанып, бір-бірімен қол алысады. Таң сібірлеп атысымен, көрісу мерекесін асыға күтіп отырған әрбір отбасы алдын ала дайындалып қойған дастарханын жаяды. Міне, осылайша Наурыздың алғашқы мерекесі басталады. Мектебіміздің ұжымы Көрісу күніне арналған шағын көрініс дайындап мектеп оқушыларына сәлемдесудің түрлерін көрсетті. Бұл шара шағын қатысушылармен түсіріліп мекетебіміздің бірінші қабатындағы теледидар арқылы оқушыларға көрсетілді. Жалпы қазақ халқының әр шарасының терең мағынасы болатындығын білеміз. Бұл көрісу күніде отбасындағы қонақжайлық пен адамдар арасындағы ынтымақтастықты нығайтады, балалар үлкендерге қарап үлгі алады. Тоқшылық пен молшылық болсын деген ырымы тағы бар. Сол себепті таң атысымен түске дейін үш үйді үлкендер мен қатар балалар да аралаған. Осындай дәстүрді жалғастыру ұрпаққа жеткізу мектебіміздің тәрбиелік бағытының бірі. Наурыз мерекесін тойлау тұжырымдамасында осындай тәрбиелік шаралар жеткілікті. Оның барлығы өз кезегімен өткізіледі деп ойлаймыз.
Шақат мектепішілік баспасөз орталығы
Павлодар ауданы.