Шақат ОЖББМ әдістемелік жұмысында жас мамандармен жұмыс өткізу ерекше орын алады. Тамыз айынан бастап күнтізбелік жоспар құрастыру бағытында мектеп әкімшілігі жас мамандармен жеке жұмыс өткізеді. Тәжірибелі мұғалімдер тәлімгер ретінде көмек көрсетеді.

Биылғы оқу жылында мектебімізге 3 жас маман келді. Макенова Индира Бериковна – бастауыш сынып мұғалімі, Кымбатова Аяжан Кымбатовна – өзін-өзі тану пәні мұғалімі және Сватко Наталья Леонидовна – ағылшын тілі пәні мұғалімі. Қыркүйек айының 25-нен 4 қазанға дейін мектепте «Жас маманға әдістемелік көмек көрсету» апталығы жоспарланып, ашық сабақтар көрсетілді. Сабақтар кестесінде математика, Қазастан тарихы, химия, қазақ тілі, орыс тілі, музыка және дене шынықтыру сабақтары  орын алды. Сабақ кезінде тәжірибесі мол мұғалімдер жаңа оқыту технологиялардың қыр-сырынмен таныстыра отырып және де биылғы оқу жылының ерекшелігі -5,7 сыныптардағы жаңартылған оқу мазмұны бойынша сабақтар көрсетті.

Апталықтың қорытындысы ретінде мектеп директоры А.Искакова «Жас маманға көмек – заман талабы» атты семинар өткізді.

Г.Смагулова.

Мектеп директорының оқу-тәрбие ісі жөніндегі орынбасары