Қараша айының 9-да Павлодар қаласындағы  М.М.Катаев атындағы облыстық Оқушылар  сарайында  облыстық  «Жас қалам-2017» облыстық жас тілшілері фестивалі  өткізілген болатын. Осы байқау облысымыздың мектептеріндегі газеттердің сапасы мен жаңашылдығын қарастыру мен қатар  жас тілшілерге  бағыт-бағдар беру мақсатында ұйымдастырылған.

Фестивальға 7-18 жас аралығындағы балалар-жасөспірімдер газет, альманах,  журнал редакциясы, радио-және телебағдарламалардың өкілдері, журналистикаға қабілеті бар оқушылар қатыстырылды. «Жас қалам» жас журналисттерге арналған фестиваль шеңберінде «ШКОЛА-ПРЕСС-2017» ең үздік мектеп газеттеріне шығармашылық конкурс өткізілді.

Осы байқауға Павлодар ауданының намысын қорғап барған 4 мектептің қатарында біздің Шақат орта жалпы білім беру мектебінің «Алтын ұя» мектепішілік газетінің ұжымы да қатысып қайтты. Сайыстың талабына сай мектепішілік газеттің 2 номері мен қатар өз газетіңді 3 минут ішінде таныстыру қажет болатын. Біздің оқушылар бұл тапсырмаларды өз деңгейінде орындап шықты. Осыдан соң оқушыларға арнап дайындаған Шеберлік сыныптарына саяхат жасады. Оқушылар журналистика саласының қыр-сырымен танысу үшін «Сарыарқа самалы» газеті, «Халық радиосы», «Ертіс» каналы т.б саладағы тілшілермен кездесуге шақырылды. Шеберлік сыныптарынан соң оқушылармен «Ашық микрафон» бағдарламасы жүргізіліп, оқушылар өздерінің сол күннен алған әсерлері мен тілектерін білдірді. Осы шара арқасында біздің «Алтын ұя» мектепішілік газеті облысымыздағы мектеп газеттері арасында  «Танымдық газет » номинациясын жеңіп алды. Өткен жылы «Мемлекеттік тілдегі үздік газет» атансақ биылғы атағы соның жалғасы іспетті. Жасап жатқан жұмысымыздың нәтижесін бағалап жатқанына  біз өте қуанышты болдық.  Осындай шараны ұйымдастырған М.М.Катаев атындағы облыстық Оқушылар  сарайының  «Сенің әлемің — Твой мир»  газетінің ұжымына алғысымыз шексіз.

Павлодар ауданы

Шақат орта мектебі

Искакова А.А

Қазақ тілі мен әдебиет пәні мұғалімі