2024 жылдың 20 қыркүйек күні, күздің тамаша таңында, Шақат ЖОББМ мектепішілік дәстүр бойынша, 11 сынып оқушылары «Мектеп директорымен таңғы ас» шеңберінде кездесті.
Кездесудің мақсаты: болашақ мектеп түлектермен, алдағы мақсаттары, өздерінің болашақ өмірлерін қалай елестетеді, қандай ой-пікірлері, сұрақтары болса ортаға салып, ашық әңгімеге шақыру.
Мектеп директоры Алмагуль Кайдаровна Искакова болашақ мектеп түлектерімен ашық әңгіме барысында болашақ мамандықтары туралы сөз қозғады. Сонымен қатар оқушылар өздерін мектеп түлегі ретінде сезінулері, өткен 11 жыл ішіндегі мектеп өмірлеріндегі қызықты сәттерді еске түсіре отырды.
Түлектер кездесу барысында, Алмагуль Кайдаровнаның армандары, бүгінгі жетістіктерге қол жеткізгені туралы жауаптар алды.
11 жыл білім мен тәрбие беріп келе жатқан ұстаздарына жылы лебіздер білдіре отырып, болашақта ұстаз болуға бағдар бергені туралы шын жүректен қуана айтып отырды.
«Мектеп директорымен таңғы ас» Алмагуль Кайдаровнаның әр оқушыға дайындаған бүгінгі күнге тәтті тілек сыйымен аяқталды.