Республика бойынша мектеп бітіруші түлектер кеші 2017 жылдың 10 маусым күні өтті. Шақат орта мектебінде де биылғы оқу жылғы мектеп бітіруші түлектер үшін салттанатты түрде аттестат тапсыру рәсімі өткізілді. Алдымен сахна төріне мектеп бітіруші 12 түлек және сынып жетекшілері Аралов Самат Бейсембаевич пен Борисова Тамара Михайловна шақырылды. Аудандық білім беру басшысы Алибекова Т.Қ., ауылдық округ әкімі Абиев Б.А. кешке қатысушы мәртебелі қонақтар болды. Құрметті қонақтар құттықтап болған соң мектеп директоры Искакова А.К. аттестат тапсыру рәсімі жүргізді. Биылғы 2017 жыл еліміз, түлектеріміз үшін ерекше жыл. Әлем назарын өзіне аударған Астанада ЭКСПО-2017 көрмесі салтанатты түрде ашылып жатқан кезде, мектеп түлектеріміз үлкен өмірге қадам басып жатты. Тәуелсіздік алғаннан тұңғыш рет Шақат орта мектебінде атаулы ерекше оқиға орын алды. Әлдебеков Қуаныш «Алтын белгі» иегері атанса, Смаилова Гаухар үздік аттестатпен мектепті бітіріп шықты. Аудан әкімі Бабенко А.В. атынан екі үздік түлекке телофон сыйлыққа тартылды. Сонымен қатар алғашқы ұстаздары да құтттытауларын жолдады. Салтанатты кеш түлектердің концертімен жалғасты. Ұстаздарға  өлең, ән жолдарын арнап,  мектеп бітіруші түлектердің дәстүрлі вальсы тамаша от-шашумен аяқталды. Бұл кеш мектеп түлектері және жиналған қонақтар үшін ерекше көңілді ұйымдастырылып, мәңгі есте қаларлық өтті.

Сынып жетекшісі: Аралов Самат