Сәуірдің он  үші күні Павлодар ауданы мектептерінен жиналған жас мамандар Шақат мектебінің шаңырағында бас қосты.  Алдын-ала дайындалған бағдарлама бойынша жас мамандармен бірнеше  қызықты да, танымдық іс шаралар өткізілді. Форум салтанатты түрде ашылып, қазіргі ауылдық жерлерге ұстаз болып келген жас  мамандарға  Шақат ауылдық округінің әкімі Әбиев Базарбай Айдарханұлы өз ықыласын білдіріп,  Шақат мектебінің директоры Искакова Алмагүл Қайдарқызы форумды салтанатты түрде ашып, құттықтау сөзімен жалғасты. Форум жұмысына Павлодар ауданы білім саласы қызметкерлерінің кәсіподақ ұйымының төрайымы Касымова Клара Назымбековна, аудандық білім беру бөлімінің бас маманы Шаймарданова Батима Мадениетовна, аудандық әдістемелік кабинетінің жетекшісі Кауметова Магфура Аубакировна, дарынды балалармен жұмыс жөніндегі әдіскері  Матаева Сандугаш Бариевна қатысты. Әрі қарай мамандар Шақат мектебі жас мамандарының ұйымдастыруымен өткізілген кіріктірілген үш тілде ашық сабақ өткізілді.