2022 жылдың 26 мамырында Кемеңгер ауылында аудандық «Топ жарған-2022» мерекесі өтті. Осы мерекеге мектебіміздің 14 оқушысы қатысты. Жыл бойы оқушыларымыз аудандық, облыстық және республикалық білім, өнер және спорт байқауларына қатысып, өз білімдерін биіктен көрсете алды. Нәтижесінде осындай салтанатты іс-шараның төрінде аудан басшыларының марапатына ие болды. «Олимп шыңы», «Өнер алды – биік шың», «Жүйріктен жүйрік озар» номинациялары бойынша мектебіміздің мәртебесін тағы бір дәрежеге көтере алдық. Осындай жеңістер көп болсын, оқушыларымызға білімдерін әрдайым биіктен көрсете білулеріне тілектеспіз.