Әр бес жыл сайын мектебіміздің мұғалімдері Ережеге сай өз біліктілігін көтеріп, аттестациядан өтіп отырады. Мектепте екінші категорияға өтініш берген мұғалімдердің аттестациялау кезеңі өтті. Әр пән мұғалімі ашық сабақтар мен сыныптан тыс іс-шаралар, портфолио дайындап, бес жыл ішіндегі жетістіктеріне тоқталды. Ең басты назарда өзіндік білім жетілдіру жұмысы, оқушылардың білім сапасы және де өз тәжірибесімен қалай бөлісуі болды. Мұғалімдер заман талабына сай ақпараттық технологияларды сабақ барысында пайдалануына да тоқталды. Аттестациядан өтетін мұғалімдер аудандық пән олимпиада жүлдегерлері, ЖОО қызыл дипломмен бітіріп, өз күш-жігерлерін оқушыларға дұрыс білім мен тәрбие беруіне арнаған. Мұғалімдер сабақ берумен ғана шектелмей уақытынан бұрын аттестаттаудан өтетін мұғалімдер тест тапсырып, өз білімдерін шыңдай білді. Комиссия мүшелері мұғалімдердің жақсы деңгейде дайындалуына тоқталып, сонымен қатар портфолио мен презентация әзірлеу барысында өз ұсыныстары мен тілектерін білдірді.

Смагулова Г.К. мектеп директорының орынбасары.