Наурыз мерекесін атап өту тұжырымдамасы негізінде атап өтілетін «Шымырлық пен шеберлік күні» аясында мектебімізде Қазақша күрес пен тоғызқұмалақтан сайыс өткізілді. Дене шынықтыру пән мұғалімдері ұйымдастырған шараға қатысушы оқушылар іріктеуден өткізіліп барып қабылданды. Тоғызқұмалақ бойынша мектепішілік жарысқа 1-6 сынып оқушылары арасынан 20 бала іріктеліп олар кіші және үлкен топ болып екіге бөлінді, кіші топта 1-3 сынып оқушылары, үлен топта 4-6 сынып оқушылары бақ сынасты. Нәтижесінде кіші топта 3 орынды Бейбіт Нұржігіт және Қылышпаев Ерасыл, 2 орынды Канкин Ералы бірінші орынды 1 сынып оқушысы Зейнолла Ернұр иеленді. Жоғары топ арасында 3 орын 6 сынып оқушысы Карминов Тамерлан, 2 орын Зейнулла Толганай ,1 орын 4 сынып оқушысы Данияр Асель иеленді.
Ер балалардың арасында қызығушылыққа ие ұлттық ойындарымыздың бірі «Қазақша күрес». Күреске қатысушы балалардың саны жылдан жылға артып келеді. Бұл осы жолғы сайыста білінді. Бұл жерде оқушылар дене салмағына байланысты іріктеліп алынады. Сайстың нәтижесінде: 30 кг 1-орын Абенов Аян; 2-орын Мурат Ағыжан ; 3-орын Евлоев Алексей
45кг 1-орын Шакен Мансұр; 2-орын Иманбай Ілияс
50 кг 1-орын Украинченко Роман; 2-орын Линд Смайл
75 кг 1-орын Шарипов Бахтияр; 2-орын Жумаш Ансар; 3-орын Әбілғазы Ералы иеленді. Барлық қатысушылар мақтау қағаздарымен марапатталды.

Шақат мектепішілік баспасөз орталығы
Павлодар ауданы.