2021 жылдың 10 қарашасында Шақат ЖОББМ қабырғасында IQanat аудандық олимпиадасы басталды. Павлодар ауданы мектептерінің 100-ден астам сегізінші сынып оқушылары олимпиада сынақтарынан өтеді. IQanat қорының облыстық үйлестірушісі Матаева Сандуғаш Бариевна олимпиада қатысушыларына сәттілік тілеп, олимпиада ережелеіне назар аударды. IQanat-ауыл мектептеріндегі балалар үшін шексіз мүмкіндіктер ашатын және олардың өмірін түбегейлі өзгертетін білім беру жобасы. 5 жыл ішінде Қор жүздеген ауыл мектеп түлектерін жоғары оқу орындарына түсуге дайындады және өздерінің қамқорлығындағы оқушыларды Қазақстан мен шет елдердің жоғары оқу орындарында оқытуға ондаған гранттар берді. Балалардың қызығушылығы өткен жылмен салыстырғанда анағұрлым саналы, ал хабардарлығы жоғары. Балалар мен олардың ата-аналары жобаның бұрын-соңды болмаған мүмкіндіктер әкелетінін түсінеді. Ал еріктілер ретінде тартылған өткен жылдың жеңімпаздары Расул Кораблев, Назарет Аушева, Аружан Искакова және Жадра Орал үздік көмекшілер атанды. Олар IQanat-тың артықшылықтары мен мақсаттары туралы қол жетімді әңгімелейді, басқа балаларға үлгі болады.
Қор олимпиада финалистеріне 10-шы және 11-ші сыныптарда оқу барысында ЖОО-ға түсуге сапалы дайындалуға көмектеседі. Сондықтан жоба тұжырымдамасы ауыл мектептерінің 9 сынып оқушыларына бағытталған. @bilim_pavlodar_audany