Шақат ЖОББМ оқушыларға аудан, облыс, республика шеңберінде өткізілетін білім байқаулары мен сайыстарына қатысуға барлық жағдай жасалған. Ақпан айының 14-19 күндері аралығында өткізілетін жалпы білім беретін пәндер бойынша Республикалық олимпиадасының аудандық кезеңіне мектеп командасымен оқу жылының басынан дайындық жұмыстары өткізіліп жатыр. 10 ақпан күні мектеп директоры Алмагүл Қайдарқызы Искакова олимпиадаға қатысушылармен кездесу өткізді. Кездесу барысында оқушыларға аудандық олимпиадаға Жолдамалар табыс етілді. Команда құрамында мектепішілік олимпиада жеңімпаздары. Оқушыларымыз тоғыз пән бойынша мектеп намысын қорғап, өз білімдерін көрсетуге дайындық үстінде. Команда құрамында оқу үздіктері, болашақ үздік аттестат иегерлері Зейнулла Айгүл және Рыспекова Ляззат. Олимпиадаға қатысушыларға сәттілік тілейміз!