Шақат орта жалпы білім беру мектебінде алғашқы рет «Жұлдыздар шеруі » атты мерекелік шара өткізілген  болатын. Мерекелік шараға  қонақ ретінде ауылымыздың әкімі Абиев Базарбай Айдарханұлы,Павлодар аудандық білім бөлімі басшысы Алибекова Турсын Капшакаровна.  Осы шара барысында мектебіміздің үздік оқушылары, үздік өнерпаздары, үздік  ұстаздары  марапатталды.  Мерекені ұйымдастырушылар өте керемет дайындалған бірден көзге түсіп тұрды. Үзіктердің жүріп өтетін жолына төселген қызыл кілемнің жан-жағына қойылған әсем шарлар, сахнаны безендіргендері өте ерекше көзге түсті. Осы жолы 23 үздік оқушы, облыстық олимпиада және туристік слет жеңімпазы. Мектебіміздің үздік ұстаздары ретінде дене шынықтыру мұғалімі — Балуспеков Руслан Жұмашұлы, қазақ тілі мен әдебиет пәні мұғалімі — Искакова Айман Айтмұханқызы,  қазақ тілі мен әдебиет пәні мұғалімі Смагулова Гульнар Кымбатовна, математика пәні мұғалімі Жуспекова Галима Хакимовна және технология пәні мұғалімі Смаилова Маржан Магмеровна марапатталды. Шерудің өту барысы теледидардан көретін танымал жұлдыздардың шеруінен кем болмады. Қатысушылар да көрермендер де ерекше бір күйге бөленді. Осындай шараның өтуіне үлестерін қосқан демеушілерімізді де айтып кетпесе болмас. Ауылымздағы «Айтбай» шаруашылық қожалығының басшысы Дакенов Еркенбай Айтбайұлы,  жеке кәсіпкер және мектебіміздің түлектері Строев Алексей Алексеевич пен Кораблев Сергей Владимирович, жеке кәсіпкер Садырова Майя Николаевна болды. Барлық демеушілерімізге алғысымызды білдіреміз. Сонымен қатар мектебімізде жыл бойы осындай түрлі шараларды өткізуді қолға алып отырған мектеп директоры Искакова Алмагүл Қайдарқызына да алғысымыз шексіз.

Айтмуханбетова Сымбат Кунанбаевна