Қысқы  демалыстан  шыққан  Красноармейка орта жалпы білім беру мектебінің бастауыш  сынып оқушылары  оқу жылының екінші жарты жылдығын  осындай  жаңашылдықпен  бастады. Екі ауысымда оқитын бастауыш сынып  оқушыларының  жалпы саны-191.

Кешенді  ас мәзірімен  қатар балаларға 5 грамнан бал беріледі. Бұл мақсатқа облыс бюджетінен 2 жарым миллиард теңге бөлінген.   Әлеуметтік деңгейіне қарамастан, бастауыш сынып оқушыларын тегістей тегін тамақтандыру мәселесі өткен жылдың қазан айында көтерілген болатын. Бұл – біріншіден балалардың денсаулығы. Екіншіден отбасы қаржысы үнемделеді. Әр балаға бюджеттен 300 теңге бөлініп отыр. Алдын ала әзірленіп жасалған ас мәзірі арнайы  санитарлық  эпидемиология  қызмет орталығымен  бекітілген.Бұл тарапта,  ата-аналар да балаларының тегін  тамақпен  қамтамасыз етілгеніне қуанышты.

А.А.Мухаметалина