Павлодар ауданына 90 жыл толуына  орай Красноармейка ауылдық округінің  ұйымдастыруымен  Красноармейка аграрлық-техникалық колледжінде волейбол ойыны өткізілді. Алғашқы ашылу салтанатында  Красноармейка округінің әкімі Асылбек Васильевич Вакпаев пен Красноармейка аграрлық-техникалық колледжінің директоры  Кашитов Азамат  Өмірзақович    сөз сөйлеп,  волейбол қатысушыларына сәттілік тіледі.

Бұл жарысқа Краноармейка ОЖББ мектебінің мұғалімдері, Красноармейка аграрлық – техникалық колледжінің мұғалімдер мен студенттері, Красноармейка ауылдық округінің қызметкерлері, Красноармейка ауылындағы  «Павлодар ауыл шаруашылығы ғылыми-зерттеу институты»  ЖШС қызметкерлерінен құралған командалар қатысты.
Тартысты бәсекеде командалар бар шеберлікте көрсетті. Шабуыл жасалып, қорғанысқа да шыққан ойыншылар  өз командалары үшін аянып қалмады. Қызу тартысты өткен жарыстың нәтижесінде Красноармейка аграрлық-техникалық колледжінің студенттерінің командасы I орынды иеленіп, ауыл әкімінің  кубогын жеңіп алды. Красноармейка аграрлық – техникалық колледжінің  командасы II орынды алса, Красноармейка ауыл округінің командасы III орынға табан тіреді. Красноармейка ауылындағы  «Павлодар ауыл шаруашылығы ғылыми-зерттеу институты»  ЖШС құрама командасы «Жеңіске құштарлығы» атты номинацияға ие болып, мадақтамамен марапатталды.

Красноармейка колледжінің мұғалімі Марат Переписович Аринтаев «Үздік қорғаушы» атағына ие болды. Сонымен қатар  Красноармейка мектебінің  мұғалімі  Сандуғаш Жасқайратқызы Жасқайратова «Үздік ойыншы» атағына ие болды.

Қазақ тілі мен әдебиет мұғалімі  —  Сандуғаш Жасқайратқызы Жасқайратова