Өткен апта қызуқанды іс-шараларға толы болды.Өмірдің өзі  пенделерін ақ пен қарадан тұратын сыннан өткізетіні анық. Наурыздың 9-шы  жұлдызында Красноармейка ауылында  мектебіміздің  түлегі, қазақ күресінен  аудандық, облыстық, республикалық сайыстардан бірнеше дүркін жеңімпазы,спорт шеберіне үміткер Нұрхан Алигожинды еске алу турниры өтті. Оған мектеп ұжымы  белсене қатысты.Сонымен қатар бұл турнирге аймақтардан әр түрлі салмақта бақ сынағысы келген бірнеше спортшылар келді.Осы турнирде мектебіміздің шәкірті,5 сынып оқушысы Малаев Амир өз категориясы бойынша жеңімпаз атанды.Айта кетерлігі сол жеңімпаз Амир Нұрхан марқұмның жиені болып келеді. Алдағы уақытта Амирге жауырының жерге тимес балуан бол, нағашысы жетпеген асулардан өтіп,биік белестерді бағындыр деген тілек білдіреміз.