Красноармейка орта жалпы білім беру мектебінде «Күз аруы — 2019» байқауы ұйымдастырылды. Сайыстың мақсаты қатысушылардың адамгершілік қасиеттерін қалыптастыру, сахна этикасын, сөйлеу мәнерін, ой-өрістерін кеңейту, бойындағы жеке қабілеттері мен таланттарын дамыту.   Бұл сайысқа мектептің 5,6,7 қазақ пен орыс сыныптары  аралығындағы оқушылар қатысты.       Байқаудың шарттарына сай аруларымыз өз өнерлерін ортаға салды. Ең алдымен өзін өзі таныстыру бойынша арулар бойындағы бар өнерлерін паш етті. Сән үлгісін көрсету барысында жапырақтан, гүлдерден жасалған өзіндік киім үлгісі жиналғандарды таң тамаша етті    Байқау нәтижесі бойынша бас жүлде, «Күз аруы – 2019» атағына  7 «А» сынып оқушысы   Нургалиева Диляра лайық деп танылды. Ол өзінің нағыз қазақ қызына тән ибалылығымен, әсемдігімен көзге түсті. Байқаудың қатысушылары номинацияға ие болып,мадақтамамен марапатталды.

Қазақ тілі мен әдебиет мұғалімі: Жасқайратова С.Ж.