«Красноармейка орта жалпы білім беру мектебі» ММ 2020 жылдың 6 наурыз күні әйелдер қызметкерлеріне көктемнің шуақты мерекесі — 8 наурыз Халықаралық әйелдер күні қарсаңында  Павлодар облысы әкімдігі, Павлодар облысы білім беру басқармасының «Павлодар қызмет көрсету саласы колледжі» КМҚК  ұйымдастыруымен «Сен сұлу» атты шеберлік класын өткізді. Көктеммен қатар келетін мерекелік іc — шараның басты бағдарламасы әйел мұғалімдері  мен қыз балаларға шаш үлгісін жасау  мен беттерін әрлеп, аз қамтамасыз етілген отбасылардың  балаларына  шашын тегін қиып,сәндеп берді. Шеберлік класқа  колледжден келген 5 шаштараз студент, 1 бет әрлеуші мен 2 кәсіптік оқытудың шебері қатысты.

Осы күні әйелдер қауымы  ең басты мерекеде әдемі болуға мүмкіндік алды. Қазіргі заманғы шаш қию техникасын пайдаланатын студенттердің  жұмысын  жоғары деңгейде екенін атап айтқан жөн. Колледж студенттерінің ұйымдастыруындағы мерекелік іс-шара барша нәзік жанды Арулардың көңілінен шығып, жақсы көңіл-күймен тарқасты. Мекеме басшылығына берілген мүмкіндік үшін алғыс білдіргіміз келеді.

Кәсіподақ төрайымы    —   С.Жасқайратова