Красноармейка орта жалпы білім беру мектебінде 9 «А» сынып оқушыларының көктемдегі демалыс кездегі бос уақытын қамтамасыз ету мақсатымен сынып сағаттары, қосымша сабақтар және спорт ойындары өткізілді. «Өрт қауіпсіздігі» деп аталатын сынып сағатының мақсаты балалардың өрт қауіпсіздігі ережелері туралы білімдерін қалыптастырып, қауіп төнген кезде өздерін қорғай білуге машықтандыру болып табылады. «Әдептілік-әдемілік» сағаты адам бойындағы ұнамды, ұнамсыз қылықтарды ажырата отырып, әдеп ережесін бойына дарытуға арналған. Оқушыларға болашақ мамандық және оқу бағдарын таңдауда көмектесу, мамандық әлемі және оның ерекшеліктері туралы дүниетанымын кеңейту үшін «Мамандық – өмір таңдауы» атты сағаты өткізілген.

Оқушылардың әр түрлі пәндер бойынша білімдерін бекіту мақсатымен  қосымша сабақтар болды. Сонымен қатар спортқа деген сүйіспеншілігін арттыру үшін волейбол, баскетбол спорт ойындарына қатысты.

А.С.Каскенова