Қыркүйектің 17-жұлдызы ,Чернорецк № 2 орта жалпы білім беру мектебінде жыл сайын өтетін жалпы білім беретін оқу орындары оқушыларының арасындағы « Мағжан оқуларының» аудандық кезеңі болып өтті. Сайыс Қазақстан Республикасының Президенті Н.Ә.Назарбаевтың Қазақстан халқына Жолдауын, ҚР-ның «Тілдер туралы» Заңын жүзеге асыру аясында жалынды ақын Мағжан Жұмабаев мұрасын жас ұрпаққа таныту, олардың азаматтық ұстанымының, ұлттық ой-санасының қалыптасуына ықпал ету мақсатында жүзеге асып отыр. Байқау шарттары үш бағыт бойынша өткізілді.
І «Өлең – менің Шолпаным, Айым, Күнім» — Мағжан шығармаларын жатқа оқу конкурсы.
ІІ «Толқынмен толқын сырласып…» — шығармашылық жұмыс.
ІІІ «Ақында бір бала ғой айға ұмтылған» — жас дарындар конурсы.
Ауданымыздың оқушылары белсене қатысып, аталған бағыттар бойынша әр түрлі орындарды иеленді.
ІІ бағыт бойынша Красноармейка орта жалпы білім беру мектебінің 11- қазақ сыныбының талантты оқушысы Нығметолла Темірлан М.Жұмабаевтың шығармашылығы және «Түркістан» өлеңі туралы зерттеу жұмысын қорғап, І орын алды. Аудандық кезеңінен өткен жүлдегерлер облыстық оқуларға қатысуға жолдама алды. Келесі кезең облыстық деңгейде өтетін сайыста Темірланға сәттілік және үлкен нәтижелер тілейік!
М. Ж. Нургалиева
қазақ тілі мен әдебиет пәні мұғалімі