Көктемнің алғашқы  күндерінен бастау алған  айналаны қоқыстан тазарту мақса­тында ұйымдастырылатын сенбілік жұмыс­тары жалғасын табуда. Білім ошағын  таза да көрікті  ұстау үшін көптеген жұмыстар атқарылуда. Сенбі күні ұйымдастырылған сенбілік нәтижесінде тек қана мектеп ауласы ғана емес, ауылымыздың орталық көшесі тазалық құшағына енді.  

Сенбіліктің тазалыққа пайдасы зор. Ұстаздар бастаған 5-11 сынып оқушылары сенбілікке шығып, талдарды әктеп, гүлдерге су құйып, айналаны сыпырып, қоқыстардан тазартты. Бұрынғы діңі шіріген ағаш орындарын  тамырлардан тазартуда үлкен істер атқарылды. Тамырын тереңге жайған ағаштарды алып тастау  оңайға соқпады.Сол үшін,арнайы химиялық ерітінділер құйып,орап тастады. Бұйырса ,келесі жылдары бұл жерлерге жас шыбықтар отырғызылмақ дейді,- мектеп басшысы Т.С.Баизбаева.

Сенбілікке шыққан әрбір адамзат баласы жинай отырып,ауыл тазалығына үлес қосуда. Олар сенбілікке шығу арқылы таза­лыққа деген жауапкерші­ліктерін  нығайтады . Себебі өзің таза­ла­ған жерді сен ешқашан шаш­пайсың, керісінше, ауыл көшелерін бүлді­ріп жүргендерге көз жұмып қарай алмай оларға ақылыңды айтасың. Сенбілік осыған үйре­теді.

Ардақ Мухаметалина

Красноармейка мектебі