Красноармейка орта жалпы білім беру мектебінде VII қысқы Универсиаданың өтуіне орай «Спорт біздің – серігіміз» атты сынып сағаты өткізілді.  Сынып сағатының мақсаты: оқушыларды салауатты өмір салтын қалыптастыруға тәрбиелеу, дене шынықтыру мен спортпен шұғылдануға, жаман әдеттерден сақтандыру, ішімділік пен темекінің жас организмге зиянды екенін насихаттау. Бұл сағатқа Павлодар ауданының спортшысы Переписов Мади Зульфатович қонақ ретінде шақырылды. Переписов Мади Красноармейка мектебінің түлегі, күрес, футбол, хоккей, жеңіл атлетика, жүзу сияқты спорт түрлерімен айналысады және қазіргі уақытта жаттықтырушы еңбегін атқарады. Оқушылар спортшының өмірімен танысып, әңгіме-сұхбат жүргізді. Әр түрлі сұрақтар қойылып, жауаптары қызығушылықпен тыңдалды. 9 сынып оқушылары спортшының жетістіктерін үлгі ретінде алып, болашақта еліміздің туын көтеретініне сенім артылды.

А.С.Каскенова