2018 жылғы 7 қарашада Павлодар ауданының Красноармейка орта жалпы білім беру мектебінде «Рухан жаңғыру» бағдарламасы аясында және ауданның 90 жылдық мерейтойына орай аудан мектептері арасында «Ең үздік сынып жетекшісі» атты сайыс өтті. Мақсаты: орта мектептердегі тәрбие берудің деңгейін жақсарту, сынып жетекшінің мәртебесін көтермелеу. Шақат, Черноярка, Мичурин, Заңғар, Красноармейка орта мектептерінің және Маралды негізгі мектебінің сынып жетекшілері командалары бақтарын сынады. Топтар  «Таныстыру», «Мінсіз сынып жетекші» мәзірі, «Педагогикалық шытырман», «Әуенді үй тапсырмасы» атты төрт бөлімнен тұратын сайыста өнерлерін ортаға салды. Бәсекелестікке толы дода нәтижесінде Маралды негізгі мектебі үшінші орынға, Черноярка орта мектебі екінші орынға, Мичурин орта мектебі бірінші орынға, Красноармейка орта мектебі бас жүлдеге ие болды. Шығармашылығы мен бірегейлігі үшін Заңғар орта мектебі «Эдельвейс» номинациясымен, Шақат орта мектебі «Алые паруса» номинациясымен марапатталды. Барлық топтар грамоталар мен  бағалы сыйлықтарды еншіледі. Өнегесі мол іс-шара қатысушыларға көтеріңкі көңіл-күй, шығармашылық серпін сыйлады. Сайысты өткізудің ұйымдастырушысы мен идеялық дем берушісі мектеп директоры Баизбаева Толеужан Солтанбековнаға зор алғысымызды білдіреміз.

Директордың тәрбие ісі жөніндегі орынбасары Дана Мырзабекова.