Рождественка  ауылында алғаш рет, Ұлы Жеңістің 72 жылдығы және де Қазақстан республикасының Қарулы Күштеріне 25 жыл толу аясында «Нұр Отан» партиясының Павлодар ауданы бойынша филиалы ұйымдастыруымен «Солдат әні» байқауы өткізілді.

Сайысқа Павлодар ауданы ауылдық аймақтарының көркемөнерпаздары мен білім саласынан ұстаздар, оқушылар  қатысты. Талап бойынша сайыс екі кезеңнен тұрды. Қатысушылар өз өнерлерін көрсете білді. Сайыстың аты сайыс болғандықтан, шешуші кезеңде шын мықтылар көзге түсті. Әділқазылар шешімімен, Красноармейка мектеп ұжымы айырықша көзге түсіп, қанжығаларына бірінші орынды байлады. «Катюша»  әнін үш тілде жанды дауыспен орындап, «Соғыстан қайтқан  солдаттар» жырына сахналық қойылым ұсынған оларға қойылым соңында тындаушылар көздеріне жас тамып, өз ризашылықтарын шапалақтарымен білдірді .«Нұр Отан» партиясы Павлодар ауданы бойынша филиалының төрайымы Бақытжан Тезекбаева құттықтап, барлық қатысушыларға әр түрлі номинациялар бойынша марапаттап, бағалы сыйлықтар ұсынды.

Айдарханова А.К