Жыл сайын Ауған соғысы ардагерлерінің ұйымдары бастамасымен кеңестік 40-армияның Ауғанстанға кірген күні мен шыққан күні аталып өтеді. Ауғанстан соғысы – Кеңес Одағы тұсын­дағы тарихтың ең қайғылы бет­те­рі­нің бірі. Он жылға жуық бөтен ел­дің мүддесін қорғаған Ауғанстандағы шек­теулі контингент әскерлері құра­мында Қазақстаннан 22 269 жауын­гер интерна­цио­нал­дық міндетін атқарды.

Осы жауынгерлердің арасында Луганск орта жалпы білім беру мектебінің алғашқы әскери дайындық пәнінің мұғалімі Ауған соғысының ардагері  Турдыбаев Баходыр Режепович  қонақ болып келді. Кездесу барысында шағын бейне ролик көрсетіліп, 10 сынып оқушылары домбырада күй ойнады.  Ол кісі 10-11 сыныптармен кездесіп, өзінің жауынгерлік жолы жайлы айтып өтті. Оқушылар өз тараптарынан сұрақтар қойып,  толыққанды жауаптар алды.

Бойков И. В.