«Жарқын болашақ» республикалық «KATEV» қазақ тілі  олимпиадада, «Әнші-бұлбұлдар» бағыты (өзге ұлттар тобы) бойынша,  біздің 11 сынып оқушысы Барладим Анжела нағыз тіл жанашырлары екендігін көрсетіп, 2 жүлделі орынға ие болды. ҚР Білім және ғылым министрлігі мен KATEV Халықаралық қоғамдық қорының ұйымдастыруымен жалпы орта білім беретін мектептердің қазақ тобында және өзге ұлт топтарында оқитын 7-11-сынып оқушылары арасында «Жарқын болашақ» республикалық «KATEV» қазақ тілі олимпиадасы  ақпанның  8 жұлдызында  өткізілді. Аталмыш сайыстың басты мақсаты — мемлекеттік тілдің қолданылу аясын кеңейту және оны дамыту, әрі қазақ тілі мен әдебиеті пәндері бойынша ерекше дарынды оқушыларды анықтау және оларға қолдау көрсету болып табылатын бұл олимпиадабиыл жылда өткізіледі. Олимпиадада оқушылардың қазақ халқының тілі, әдебиеті, салт-дәстүрі, тарихы, мәдениеті секілді ұлттық құндылықтарға деген қызығушылығын арттыру, тұлғаның өзін-өзі дамытуына және қабілетін ұштауға ықпал ету көзделген.