«#2 Чернорецк ОЖББ» мектебінде Ахмет Байтұрсынұлының 150 жылдығына арналған «Қазақ руханиятының көсемі» атты ғылыми — практикалық конференция өтті. Ұлт ұстазы Ахмет Байтұрсынұлының өмірі мен қызметі, еңбектеріне арналған конференция үш тілде қазақ тілі, орыс тілі және ағылшын тілінде ұйымдастырылды. Конференция барысында оқушылар ғалымның қызметі мен еңбектері жайлы баяндамалар мен таныстырылымдар ұсынды. Конференцияда көптеген танымдық ақпараттармен танысып, ғалымның еңбектері туралы маңызды мағлұматтар алды. Оқушылар ақынның өлеңдерін оқып, ағартушының ғибратты əңгімелерін тыңдады.