2019 жылы 8 мамыр күні Достық мектебінде Жеңіс күніне арналған «Ешкім де, ешнәрсе де ұмытылмайды» атты концерттік бағдарлама және саптық ән мен сап байқауы өткізілді. Мақсаты: оқушыларды адамгершілікке, Отанын сүюге, оны қорғауға баулу. Отанға деген сүйіспеншілігін арттыру, оларға патриоттық тәрбие беру. Сонымен қатар, тылда жеңіс күнін жақындату үшін ерлік жасап, осы күнді көре алмаған ұл – қыздарымызды, ардагерлер мен қаза тапқан батырларды еске алу үшін бір минуттық үнсіздік жарияланды. Мектеп оқушылары осы күнге шабыттана дайындалып, бастауыш сынып оқушылары соғыс кезіндегі әндерге би шығарып, 8 – 9 сыныптарының қыздары «Смуглянка» биімен ерекшеленді. Саптық ән мен сап байқауында әділқазылар алқасының шешімімен бас жүлде бастауыш сынып оқушылары, 1 орын 8- сынып, 2 орын 6 – сынып, 3 орын 9 – сынып оқушылары мақтау қағаздарымен марапатталды.