Қазақстан  Республикасы  Тәуелсіздігінің 25 жылдық мерейтойына орай ұйымдастырылған облыстық мектеп оқушылары арасындағы «Арайлы таңым- Азаттық!»  атты жыр мүшайрасы ұйымдастырылды. Облыстың түпкір-түпкірінен  жас ақындар бақтарын сынауға белсенді қатысты.  Павлодар ауданының да жас ақындары да бұл сайыстан қалыс қалған жоқ.   Кеңес негізгі мектебінің намысын қорғауға  Бахатхан Жұпаргүлдің  жетекшілігімен   5-сынып оқушысы  Жуматанова Томирис  қатысты. 9 желтоқсан күні Красноармейка  ауылының Мәдениет  үйінде марапаттау рәсімі өткізілді.  Барлығы облыс бойынша 9  ғана оқушы марапатталды.  Жеңімпаздардың ішінде  Жуматанова Томирис «Тәуелсіздік мұратым» номинациясына   ие болды.    Павлодар ауданына тағы бір жеңіс әкелген оқушымызды  құттықтаймыз!

Білім беру бөлімінің әдіскері                      Сандугаш Матаева