«Дарындылар додасы» дейді білгендер,
Өнерімен кірпік-нәрін ілгендер,
Бар өнерін өздеріне сыйлайды,
Бақ-талаптың шын тұлпарын мінгендер!..
03 ақпан күні оқу- тәрбие жоспарына сәйкес аспаптық және вокал сыныптарының оқушылары арасында «Рухани жаңғыру » бағдарламасы аясында, дарынды оқушылардың шығармашылық қабілеттерін қолдау мақсатында «Балалар өнер мектебінде» I мектепішілік «Дарындылар додасы» атты сайыс өткізілді.

Байқаудың мақсаты мен міндеттері:
• Жас жеткіншектер мен жастар бойындағы шығармашылыққа деген талпынысты арттыру, олардың дамуына қолдау көрсету;
• Өскелен ұрпаққа рухани байлығымызды дәріптеу, ұлттық тәлім-тәрбиені жастардың бойына сіңіре отырып, эстетикалық, ізгілік пен адамгершілік қасиеттерді қалыптастыруға баулу;
• Ұлтымыздың мәдени өнер саласындағы жетістіктерін насихаттап, оның өркендеуіне ықпал жасау;
• Жастардың бойында музыкалық-эстетикалық тәрбиені жетілдіру, олардың шеберлігін арттыру;
• Дарынды оқушыларды қолдау, оқушылардың шығармашылығын дамыту;
• Өнерге деген құштарлығын арттыру, сахна құдіретін сезіне білуге үйрету;

Сайыс келесі әділ – қазылар алқасынан құралды:
Қазылар алқасының төрайымы, мектеп директоры Каппасова Асем Бекенқызы
Әділ қазылар алқасының мүшелері:
Домбыра сыныбының ұстазы – Сабекова Рыскүл Асаубаевна
Фортепиано сыныбының ұстазы – Применко Светлана Алексеевна
Есептік комиссия мүшесі – Дарьина Анастасия Валерьевна

Сайысқа қатысуға 16 оқушыдан сұраныс түсті.
Қатысқандар саны – 12 оқушы.
Әділ қазылар алқасының қорытындысы бойынша келесі оқушылар жүлделі орындарға ие болды:

Домбыра сыныбы бойынша:
1 орын – Байтемір Тамерлан
2 орын – Нығметолла Гүлназ
3 орын – Нургалиева Диляра және Нығметолла Аружан

Фортепиано сыныбы бойынша:
1 орын –Асылбекова Дильназ
2 орын – Рахимкали Айымжан
3 орын – Кузнецова Софья
Вокал сыныбы бойынша:
1 орын –Айтжанова Мерейлім, Положенцева Дарья және Бойкова Виктория
2 орын – Тлен Дильназ
3 орын – Амерханова Әйгерім
Мектеп әкімшілігі атынанан оқушыларымызға дипломдар мен алғыс хаттар табысталды.
Келесі жоспар бойынша мектепішілік сайысымыз сәуір айында өтеді. Осы сайысқа вокал сыныбының оқушысы Бойкова Викторияның әкесі Бойков Анатолий Владимирович қатысқан оқушыларға, ұстаздарға, әкімшілікке өз ризашылығын білдіріп, келесі сайысқа қатысатын оқушыларға демеушілік көмек көрсететінін айтты.06-02-2018_10-29-49

Балалар өнер мектебінің әкімшілігі