«Жас талант» республикалық байқауы

Қазіргі уақытта қосымша білім берудің мән –мағанасының артуы оның балалар мен жасөспірімдердің дербес талаптарын қанағаттандыру, өз еркіне сай мақсатты айналысуына жәрдемдесу, сөйтіп өмірге бейімдеу, салауатты өмір салтына тарту, уақытты мазмұнды өткізуді ұйымдастыруға қажетті жағдай жасауында. Соған байланысты республикамызда жүйелі түрде түрлі шығармашылық сайыстар ұйымдастырылуда.
Өткен аптада Павлодар қаласының Достық үйінде республикалық «Жас талант» атты сайысы өтті. Павлодар ауданы Балалар өнер мектебінің Шақат ауылындағы филиалының хореография үйірмесі де қатардан қалмай, өз өнерін көрсетуге бел буды.
Оннан аса би ұжымы қатысқан сайыста «Айгөлек» би ұжымы сайыс қорытындысы бойынша жүлделі І,ІІ орындарды иеленді. Он екі қыз баладан құралған топты сапалы дайындаған Арай Сағынтай алғыс хатпен марапатталды.
Көздің жауын алатын әдемі костюмдерді тіккізуде ата-аналары барлық мүмкіндіктерін аямай, лайықты деңгейде сайысқа қатыстыруда демеушілік көрсетті. Жас жеңімпаздарымызға жұлдыздарын жарқырай берсін демекпіз.