Павлодар ауданының  Балалар өнер мектебінде  3 қараша күні  қазақтың әйгілі күйші, композиторы Дина Кенжеқызы Нұрпейісованың өмірі мен шығармашылығына арналған домбыра сыныбының ұстазы Асхат Қайыржанұлы Купеевпен сыныптан тыс шара  өткізілді.

Шара барысында интербелсенді тақтаның мүмкіндігін  пайдалана отырып, оқушыларға күйшінің өмірінен қызықты мәліметтер, қосымша материалдар ұсынылды. Дәстүрлі халық өнерінен сусындаған  Дина Нұрпейісованың белгілі күйлерінің шығу тарихымен таныстырып, балалардың қызығушылығын тудырды. Сонымен қатар, Дина апамыздың  Құрманғазының «Бұлбұл» күйін орындаған бейнебаянын тамашалады. Қазіргі уақытта Динаның жолын қуған күйші-домбырашы Айгүл Үлкенбаеваның шығармалары тыңдалды.

Халқымыздың  өнер мұрасын  жас ұрпаққа  жеткізіп, оны насихаттау – біздің міндетіміз.

             ДТІЖО Ғаббасова Д.Қ.