Шоқан Уәлихановтың туғанына 181 жыл толуына орай Павлодар ауданында Ямышев орта жалпы білім беру мектебінің базасында «Шоқанның ізімен» атты ғылыми-географиялық конференциясы өткізілді. Оған ауданнан Заря, Кеңес мектеп оқушылары мен мұғалімдері қатысты.

Конференцияның құрметті қонақтары болып Павлодар География үйінің мүшелері, Павлодар аудандық филиалының басшысы Майкен Малгаждаровна Коппаева  қатысты. Конференцияның құттықтау кезегі Ямышев орта жалпы білім беру мектебінің директоры Шайгазин Қанат Балтабайұлы өз кезегінде: «Бүгінгі біз Қазақтың ұлы ғалымы, даңқты жиһангері, өз заманының ғұлама зерттеушісі, Ресейдің императорлық География қоғамының мүшесі, Абылай ханның немересі Шоқан Шыңғысұлы Уәлихановтың туғанына 181 жыл толып өтті. Бүгінгі ұйымдастырып жатқан ғылыми-географиялық конференцияның салтанатты түрде ашық деп жариялаймын. Туған халқымыздың мақтанышы, «аспанда жарық еткен жұлдыз» атанған, ол ерекше дарынды, жас та болса, бас болған ағартушы еді. Қамшының сабындай қысқа ғұмырында тарих  сахнасында өшпестей орын алды» деп айтты.

Конференцияның  алдында  оқушыларға арналған «Шоқанның ізімен» атты кітап көрмесі ұсынылды.  Конференция 2 бөлімнен тұрды. Бірінші бөлім Шоқан Уәлихановтың өмірінен үзінділер: Шоқанның туылғаны туралы Уәли төреге айтылуы, Шоқан мен Гасфорттың кездесуі, Шоқан, Дуров пен Потаниннің кездесуі көріністер қойылды.

Конференцияның 2 бөлімінде әділ-қазылар конференцияға келген оқушылардың баяндамаларын тыңдады.

І орынды Ямышев мектебінің 10 «а» сынып оқушысы Сейтхажы Жансая, ал ІІ орынды Заря мектебінің 11 сынып оқушысы Крысова Наташа мен Ямышев мектебінің 7 сынып оқушысы Бекзатханқызы Алима бөлісіп алды. ІІІ орынды Кеңес мектебінің 6 сынып оқушысы Шакенов Балабек пен Заря мектебінің 7 сынып оқушысы Қабидолла Дания марапатталды. Конференцияға қатысқандарға Шоқан туралы жазылған кітапшалар мен сыйлықтар таратылды.

Павлодар География Үйі директоры Александр Вервекин осы іс –шараны  жоғары деңгейде ұйымдастырғаны үшін Саян Баужановқа  алғыс хат марапаттады.

Білім беру бөлімінің  әдіскері                      Сандугаш Матаева