Павлодар қаласының «Шаңырақ» облыстық халық шығармашылығы және мәдени-сауық орталығында 22-24 желтоқсан аралығында «Жаңа жылдық әбігерлік» 2 Республикалық фестивалі өтті. Бұл фестивальды ұйымдастырушы «Dionis» эстрада – вокалдық студиясы. Бұл фестивальға Набережное ауылындағы Балалар өнер мектебінің қобыз сыныбы оқушылары да қатысты.

Сайыс алдында қатысушыларға шағын шоу көрсетілді. Аяз ата мен Ақшақардың қатысуымен ойындар өткізіліп, жаңа жылдық көңіл-күй сыйлады.

Орта жас категориясында «Назқоңыр» қобыз ансамблі халық әні «Илигайды» орындап, сайыс қорытындысы бойынша бас жүлде ұтып алды. Айдана Абай, Қалия Рахимжанова мен Айымгүл Ахметова сайыстан алған әсерлерін ұмыта алар емес.

Қыздарымыздың сахналық образын әсем костюмдері толықтырып тұрды. Демеушілік көрсеткен ата-аналарға және сапалы дайындық үшін ұстазы А.Ж.Уюкбаеваға әкімшілік атынан алғысымызды білдіреміз.