«Epтіс Star» облыстық байқауы

Елбасы Н.Ә. Назарбаевтың: «Болашаққа бағдар рухани жаңғыру» атты мақаласын қолдап , қала, аудан, ауылдық мекендердің нағыз таланттардың өнерін анықтайтын облыстық «Epтіс Star» жобасы өткізілген болатын.
Жалпы осы байқауға 900 жас өнерпаздар қатысты.
Қатысқан көркемөнерпаздардың арасынан 160 жас талант жартылай мәреге жолдама алған болатын. Павлодар ауданымыздың Красноармейка ауылының Балалар өнер мектебінің оқушысы Каппасов Балтабек шара барысында көзге түсіп Б. Еспайдың «Бөгелек» күйін тыңдарман қауымға орындап, рухани қуат сыйлап, күй құдіретімен тәнті етті.
19 ақпан күні «Epтіс таңы» таңғы телебағдарламасына Балтабек қатысып, өзінің осы байқаудан алған әсерімен бөлісті.
2018 жылы сәуір айында Естай атындағы мәдениет үйінде өткізілетін жартылай мәреден өткен жас талантты өнерпаздарымыз гала концертке қатысатын болады. Балтабекке тілейтініміз сәттілік және шығармашылық табыс!

Балалар өнер мектебінің директоры А.Б. Каппасова
Павлодар ауданы