«Павлодар ауданының Кеңес негізгі жалпы білім беру мектебі» ММ ұйымдастыруымен «Болашаққа бағдар: Рухани жаңғыру, «Мәңгілік Ел» идеясы және Павлодар ауданының 90 жылдығына орай «Тәуелсіздік және тарихи тұлғалар» тақырыбындағы аймақтық ғылыми-практикалық конференциясы өткізілді.

Конференцияның мақсаты — Тәуелсіздік — халқымыздың тарихында жаңа дәуірдің бетін ашып, бүкіл қоғамдық өмірімізге жаңа леп, серпін ала келді. Сол тәуелсіздіктің жаңа лебімен қазақ тарихындағы ұлы тұлғалар мен ұлт зиялыларының есімі де жаңғырды. Қазақстан тарихының жаңа сипаттағы зерттелу үдерісін талқылау болатын. Сонымен қатар Тәуелсіздік жылдарындағы даму үрдісі және ел Тәуелсіздігін алғалы бері қайраткерлердің жеткен жетістіктері мен жастарды зияткерлік бағытта тәрбиелеу жолдарына қатысты мәселелерді қозғау.

Ғылыми-практикалық конференция мектеп директоры Айнұр Шалабайқызы  Молдахметованың кіріспе сөзінен басталды.

Конференцияға С. Торайғыров ат. ПМУ-нің профессоры, педагогика ғылымдарының докторы, профессоры, Ж. Аймауытов ат. ҒПО директоры — Жұматаева Еңілік Өсербайқызы, «Өрлеу» біліктілікті арттыру ұлттық орталығы» акционерлік қоғамының филиалы «Павлодар облысы бойынша педагогикалық қызметкерлердің біліктілігін арттыру институты»мұғалімнің кәсіби дамуын психологиялық-педагогикалық қолдау кафедра меңгерушісі,тарих ғылымдарының кандидаты, доцент, 
Қазақстан Республикасы тарих және қоғамдық ғылымдар академиясының академигі — Болат Құдайбергенұлы, С. Торайғыров ат. ПМУ-нің қауымдастырылған профессоры, тарих ғылымдарының кандитаты, «Рухани жаңғыру» жобалық кеңсесінің өкілі, Сакральдық географиялық жобасының ПОФ басшысы — Батталов Қайрат Қанатұлы, Павлодар мемлекеттік педагогикалық университетінің қауымдастырылған профессоры, тарих ғылымдарының кандидаты Айткенов Зият Шайманұлы,Халықаралық «Қазақ тілі» қоғамы Павлодар облыстық филиалы төрағасының орынбасары, Павлодар ауданы мәслихатының депутаты, Рухани жаңғыру»  Сакральдық географиялық жобасының ПАФ басшысы, «Асыл Ұрпақ» ҚҚ Президенті Баткеев Бақытбек Тілеубайұлы, «Павлодар ауданының білім беру бөлімі» ММ әдістемелік кабинетінің меңгерушісі Кауметова Магфура Әубәкірқызы, облыс мектептерінің тарих пәні мұғалімдері, ардагер ұстаздар және мектеп ұжымы мен оқушылары қатысты.

Конференция өзінің мәні мен құндылығы жағынан аймағымыздың білімі мен ғылымын дамытуда, оның тарихы мен мәдениетін одан әрі өркендетіп қалыптастыруда және өсіп келе жатқан жастарды тәрбиелеуге қосатын үлесі зор.

Әдіскер Матаева С.Б.