Павлодар облысы мәдениет, архивтер және құжаттама басқармасының қолдауымен «Болашаққа Бағдар: рухани жаңғыру» және «Туған жер» бағдарламасы аясында «Жасын» телевизиялық мегажобасы сайысы 14 сәуір күні Облыстық «ЕRTІS» телеарнасының студиясында зияткерлік сайыс өтті. Оған біздің Павлодар ауданының Ямышев жалпы орта білім беру мектебі мен Кеңес негізгі мектебінің 9-10 сынып оқушылары қатысып, білім додасында бақтарын сынап жүлделі І-орынға ие болды. Олар Шинтасова Жадыра, Хауметқали Айкерім және Капарова Алмагүл. Зияткерлік сайыс-7 бөлімнен тұрды. Негізгі тақырып бойынша Бұқар жырау Қалқаманұлының 350 жылдығына арналған «Қилы заман айнасы» атты тақырыппен тығыз байланыста болды. «Танысу», «Өрлеу», «Самғау», «Көркем сөздің құдіреті», «Ойлан тап», «Ұлы дала әуені», «Мақал-сөздің мәйегі» атты бөлімдерден құралған. Бұл сайыста біз Ақсу ауданы мен Екібастұз ауданымен сайысқа түстік. Жалпы айтқанда берілген сұрақтар Бұқар жырау Қалқаманұлының шығармашылығы мен өмір жолынан берілді және Қазақстанның киелі, қасиетті жерлерін табу, қазақтың халық әндері мен күйлерінен үзінділер беру арқылы оқушыларымызды шабыттандыра түсті.
Сайыстың жеңімпаздарын анықтау үшін құрамына ғалымдар, өлкетанушылар енген қазылар алқасы төрелік етті.
Сонымен, біздің оқушыларымыз шешендік,тапқырлық, зеректігінің арқасында оқ бойы озып алға шығып мамыр айында болатын финалға жолдама алды
Осы сайысқа оқушыларды дайындаған Ямышев, Кенес мектептерінің қазақ тілі мен әдебиет пән мұғалімдері Толеу Каукер және Баужанова Диана Павловна.
Білім беру бөлмінің әдіскері Сандугаш Матаева