Павлодар ауданда Абай оқулары байқауы жылдағы дәстүр бойынша биыл да тіл мерейін көтерді. Оқу сайысының басты мақсаты: Абай Құнанбайұлының ақындық талантын шәкірттер жүрегіне ұялату арқылы Абай өлеңдерін мәнерлеп жатқа айтуға, поэзияны сүюге, оны бағалай білуге және кеңейту қазақ тілінің көркемдік бай сөз қорын насихаттау.
2019 жылғы 12 наурызда Григорьевка мектебінде өткізілген ХХ аудандық Абай оқуларына негізгі және жалпы орта білім беру мектептерден 39 оқушы қатысты.
Ұйымдастырылып өткізілген аудандық Абай оқулары төрт бағытта өтті: «Өлең-сөздің патшасы, сөз сарасы» – Абай және Шәкәрім шығармаларын жатқа оқу, «Жүйріктен жүйрік озар жарысқанда» – жас ақындар конкурсы, «Көңілім әнді ұғады» – Абай мен Шәкәрімнің әндері мен күйлерін орындаушылардың сайысы, «Ұлылар әлемі» – Абай және Шәкәрім еңбектеріне эссе жазу.
Қазылар алқасының шешімі бойынша 18 оқушы жеңімпаз бен жүлдегер атанды, олардың ішінде: І орын – 3, ІІ орын – 7, ІІІ орын – 8.
«Өлең-сөздің патшасы, сөз сарасы» бағытта І орынды Шақат орта мектебінің 6-сынып оқушысы Иманшарипова Анель иеленді. Осы бағыттағы ІІ орынды №1 Чернорецк және №2 Чернорецк орта мектептердің 8-сынып оқушысы Махамбет Аймарал мен 10-сынып оқушысы Рудь Настя бөлісті. Ал ІІІ орынға №1 Чернорецк орта мектептің 7-сынып оқушысы Сарсенова Дильназ, Пресное орта мектебінің 6-сынып оқушысы Толеуов Куат және Заңғар орта мектебінің 5-сынып оқушысы Абдалиева Зубайда иеленді.
«Жүйріктен жүйрік озар жарысқанда» бағыт бойынша жеңімпаздары: І орын – Айгазинова Гауһар, Ефремовка орта мектебінің 9-сынып оқушысы; ІІ орын – Абылқас Жамбыл, Григорьевка негізгі мектебінің 8-сынып оқушысы және Шақат орта мектептің 8-сынып оқушысы Зейнолла Ардақ; ІІІ орын – Абылгазинова Мерей №2 Чернорецк орта мектебінің 10-сынып оқушысы.
«Көңілім әнді ұғады» атты ән және күй сайыстың жеңімпазы – Шақат орта мектебінің 6-сынып оқушысы Искакова Аружан жеңіс тұғырынан көтерілсе, ІІ орынға Григорьевка мектебінің 7-сынып оқушысы Канжигалинова Айим мен Красноармейка мектебінің 9-сынып оқушысы Айтжанова Мерейлім иеленді. ІІІ орын алған жүлдегерлер: Қабидолла Дания (Заря мектебі, 9-сынып), Тыштықбай Қуандық (№1 Чернорецк мектебі, 6-сынып), Каирова Асель және Байтемир Темірлан (Красноармейка мектебі, 8-сынып).
«Ұлылар әлемі» – Абай және Шәкәрім еңбектеріне эссе жазу сайысында бір ғана жүлделі орын белгіленді. Бұл бағыт бойынша ІІ орынға Григорьевка нгізгі білім беру мектебінің 8-сынып оқушысы Камал Алмас иелік етті.
І-ші орындарға ие болған жеңімпаздар облыстық кезеңге қатысу үшін жолдама алды. Жүлдегер оқушыларымызға сәттілік тілейміз!

А.Султангазина,
білім беру бөлім әдіскері