2017 жылдың 4 қараша күні Астана қаласында «LAULA 2017» І Халықаралық балалар шығармашылығының сайысы өтті.
Бұл сайысқа Қазақстанның түкпір-түкпірінен және көрші елдерден 700-ден астам қатысушылар келді.
Павлодар ауданы Балалар өнер мектебінің намысын қорғауға домбыра мен вокал сыныбының оқушысы Каппасов Балтабек бел буды.
Сайыс келесі әділ-қазылар алқасынан құралды: Қазақ Ұлттық өнер институтының профессоры Орынбай Дүйсен, Қазақстан Республикасының еңбек сіңірген әртісі Хамзина Гүлнар, мемлекеттік «Наз» би ансамблінің жетекшісі Агимбаева Хадиша, Халықаралық ЮНЕСКО ұйымының көркемөнер сыншыларының мүшесі Юсупова Ардақ.
Сайыс қорытындысы бойынша біздің оқушымыз Қаппасов Балтабек екі аталымда да жүлделі І, ІІ орындарды иеленді.
60 домбырашылардың ішінен гала-концертке қатысу мүмкіндігін алған оқушымыз «Бөгелек» күйін асқан шеберлікпен орындап, көрермендерді тәнті қылды. (ұстаздары Қаппасова А.Б, Байбусунова Т.М.)
Жүлдегерді дайындаған ұстаздар алғыс хаттармен мараппаталды. Мектеп әкімшілігі жеңімпазымызды құттықтап, биік шыңдардан көріне беруіне, ұстаздарды еңбегінің әрі қарай жануына тілектестігін білдірді.

Тәрбие ісі меңгерушісі Ғаббасова Д.Қ